साहित्यकार भानुभक्त पोखरेलको दुखद निधन ,(खसखस सम्वाददाता)
हार्दिक समवेदना
आज २०७० कातिक १९ गते वरिष्ठ साहित्यकार भानुभक्त पोखरेलको ओम अस्पतालमा दिउँसो १.३० बजे देहावसान भयो | आजै साँझ काठमाडौँ पशुपति आर्यघाटमा अन्तिम दाहसंस्कार गरिदैछ | मधुमेय रोगी पोखरेलका श्रीमती धनाकुमारी, तीन छोरा र एक छोरी हुनुहुन्छ | जेठा र कान्छा छोरा तथा छोरी अमेरिका बस्नु हुन्छ | पोखरेलको पार्थिव शरीरमा माइला छोरा देवीचन्दले दागबती दिनु भयो |
१९९३ असोज ८ गते पाँचथरको ऒयाङ्गमा जन्मिनु भएका पोखरेलको हिमवत खण्ड, मृत्युञ्जय र जागृति राग तीन महाकाब्यहरु, खण्डकाब्य, र कविताका एक दर्जन कृतिहरु तथा निवन्ध, समालोचना र भाषाका एक दर्जन कृतिहरुका साथै अनेक फुटकर रचनाहरु प्रकाशित रहेका छन् |
भानुभक्त पोखरेलले महेन्द्र मोरङ कलेजमा प्राध्यापन गर्नु हुन्थ्यो | पोखरेलको देहावसानले सिंगो नेपाली साहित्यमा अपुरणीय क्षति पुगेको छ | पोखरेलप्रति हार्दिक श्रद्धाञ्जलि !!!
