हालसालैका लेखहरु : उड्ने रहर छ,(उमा शर्मा ) तब पो दशैं आउँथ्यो,(गोतामे साँहिलो) नाप्नै सकिएन ,(रजनी श्रेष्ठ) धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं )

धेरै सिकायो यो कोरोनाले

उमा शर्मा, (विन्टरभिल, नर्थ क्यारोलिना)

 C:UsersSunilDesktopuma 3.JPG

कलियुगको युद्धको यो कोरोना

सजीव निर्जीव

महाभारतको युद्धको शिखन्डी जस्तो
स्त्री पुरुष, तर पनि
युद्धको समीकरण नै बदलिदिने

एउटा अपत्यारिलो योद्धा ।


यो कोरोनाले मेरो आचार बदलिदियो
मेरो बिचार बदलिदियो

जीवनको रोजाई बदलिदियो
मस्तिष्कको सोचाई बदलिदिने

अरु के भनुँ खै
मेरो संस्कार नै बदलिदियो ।


अतिथि देवो भव: भनेर हुर्केकी
शबरीको बयरको कथा सुनेर फुर्केकी

पाहुना आउँदा ढोका थुन्न थालेँ
आफन्तीसँग पर भाग्न थालेँ

यो कोरोनाको आगमनले
मेरो संस्कारको परिभाषा नै बदलिदियो ।


ब्रम्हाण्डमा राज गर्न हिडेकी
टेके जति मेरै हो भनेर बुझेकी

देखे जति आफ्नै हो भनेर जानेकी
पृथ्वीले पुगेन मंगल नि धाँउछु भनेर बढेकी
यो कोरोनाको आगमनले
घरको आँगन नै आफ्नो हुन्न भनेर सिकायो ।


अरु के भनुँ खै?

यो कोरोनाले प्रकृतिको नियममै प्रश्न उठायो
सुर्य उदाउदैमा बिहानी हुँदैन भनेर सिकायो
बिहानी हुँदैमा बिउँझिन सकिन्न भनेर सिकायो
तारा आँउदैमा रात हुँदैन भनेर सिकायो
रात पर्दैमा निदाउन सकिन्न भनेर पनि सिकायो ।


धेरै के भनुँ खै?

सही गलत रहेछ भनेर सिकायो
गलत सही पनि रहेछ भनेर सिकायो

त्यसैले
लडेकालाई हात दिन छोडेँ मैले
छुटेकालाई साथ दिन नि छोडेँ मैले ।


जन्म एक्लो, त्यो सत्य थियो
मरण एक्लो, त्यो पनि सत्य नै
बाँच्नु पनि एक्लै पर्छ, त्यो सिकायो कोरोनाले

जिउँदाको जन्ती, मर्दाको मलामी
सबै सिकायो यो कोरोनाले

धेरै सिकायो यो कोरोनाले ।

Comments

सम्पर्क माध्यम

khasskhass@gmail.com
Share |