हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

युद्ध र हामी

नम्रता गुरागाईं, (नर्थ क्यारोलाइना)

तिमीसंग मेरो कुनै इबि छैन
लामो रिसपनि छैन
युद्ध मैदानमा भएपछि जागिरको भाषामा
एकपटक नदेखेपनि
हामी एक अर्काका शत्रु हौं
तिमीले पाए मलाइ सोझ्याउनु  पर्छ
मैले पाए तिमीलाइ सोझ्याउनु पर्छ ।
हामी न जन्मजात शत्रु थियौं
न जन्मान्तरका मित्रु नै
आफनै पाइतालाले टेक्न जागिरमा झुण्डिएपछि
मन फरक भएपनि
जागिरकै भाषा बोल्नुपर्ने रहेछ
जागिरकै पाउ मोल्नुपर्ने रहेछ
उम्किने उपाय नभेटेर
जागिरमै अड्किनु  पर्ने रहेछ
छोपेर आफना रहरहरु
जागिरमै पडकिनु पर्ने रहेछ ।
तिमी साच्चै राम्री छौ
तिम्रो सुन्दरताको वयान गर्दै
परैबाट चाहनाको फुल फालुकि जस्तो लाग्छ
परैबाट मनको ढोकामा
नयां तुल हालौंकी जस्तो लाग्छ
तर नजिक नहोऔं हामी
आफना रहरलाइ युद्धसंग साटे  पछि
मैले तिमीलाइ सोझ्याउनु पर्छ
तिमीले मलाइ सोझ्याउनु पर्छ ।
भाग र गुणा नमिले पनि
जोड र घटाउ मिलेकै छ
भित्र कुरो लुलो भए पनि
बाहिर आदेश ठुलो छ
बांच र बचाउसंग संबन्ध चिसो भए पछि
मनले नरम र लचकता  कहां पाउदोरहेछ र
कलिलैमा भर्ती भएपछि
हुर्किदा उम्रेको बैंशले कहां माया पाउदोरहेछ र
आंखामा कमब्याटको चश्मा  लाए पछि
बोलीको होइन
पावरफुल गोलीको कुरा ठुलोरहेछ
किनकि हामी युद्ध मैदानमा छौं
आफु मरेर राष्ट्र जोगाऊँदैछौं ।

Comments

सम्पर्क माध्यम

khasskhass@gmail.com
Share |