हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

बाबासँग

विद्या सापकोटा, (हालः शंकरदेव कलेज, काठमाण्डौं)


झररररररर

झ्याउरे बलेसींमा  

टोलाउदै/कहालिदैं  

घोरिदैंछु म……

तिम्ले धुलौटोमा

कोरेर देखाएका  

जीवनका धर्साहरु  

केही बिर्संदै/केही सम्झदैं  

केही सम्झदैं/केही बिर्संदै ॥

 

आँखा चिम्लन्छु  

कान बज्छ  

कुलुलुलु………

तिम्ले सम्पुर्णता सिंचेर

बगाएको कुलेसो-'म'

हतास् आँखा उघार्छु

छर्लंगतिम्रा  

रोकिएका सपना

कुँजिएका फींजहरु 

 

मलाई हाँसो मनपर्छ

तिम्ले रुन सिकाएनौं   

म हार्न पाउँदिन

निराशा पढाएनौं   

खै  र ओइलाउने हक  

मेरो ज्योति भन्यौ घाम भन्यौ

भुलेर पनि चन्द्रमा भन्दै भनेनौ

 

स्नेह-फूल फुलाउँछ 

स्नेह-आगोको लाभा जन्माउँछ   

………………………

यहि 

एक विश्वास

एउटै आशक्ति

तिम्रो सृजनाको मांसपिण्ड

तिम्रो बालसम्पदा

तिम्रो संयम

तिम्रो अभिलाषाको गुराँस   

सगौरव-'तिम्री छोरी म'॥

 

Happy Father's Day  !!

Comments

सम्पर्क माध्यम

khasskhass@gmail.com
Share |