हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

कोही कल्पना गरुँ म…।

गीता त्रिपाठी, (काठमाण्डौ)



कोही कल्पना गरुँ म तिमी त्यही पात्र मेरो

सारा दुनियाँ बेग्लै तिमी छौ मात्र मेरो

 

छन् शब्द आज भारी बुझ्नै कठिन छ भाषा

तर दिलको नजिक तिमी चुपचाप अटल यो आशा

केही सम्झना गरुँ म तिमी त्यही गीत मेरो

हारेर दुःख छैन तिमी त्यही जित मेरो

 

के हुन् यी बाधा सारा आकाश खुला छ मािथ

पाउनु, गुमाउनु भन्दा यात्रा ठूलो छ साथी

केही उच्छ्वास सगालूँ तिमी त्यही श्वास मेरो

थाकेर लर्खराउँदा  तिमी नै  भरोसा मेरो

 

कोही कल्पना गरुँ म तिमी त्यही पात्र मेरो

सारा दुनियाँ बेग्लै तिमी छौ मात्र मेरो

Comments

सम्पर्क माध्यम

khasskhass@gmail.com
Share |