हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

गालिबको चिहान

प्रकाश सायमी, (ललितपुर)

 

घर वा सपिंग मल बन्ला  

हाउजिङ वा आकाशे बजार बन्ला  

केही पनि बन्नसक्छ यो भूमिमा ।  

धेरैवर्ष पछि

यहाँ गगनमहल बन्ला  

वा मल्टिकम्प्लेकसको प्रसिद्ध भवन ।
 

व्यस्त भरिभराउ  

वा हेर्नै नसकिने  

अभेद्य मान्छेको भीड होला तर हुनेछ एउटा गजल रेस्त्राँ  

तर हुनेछ यहाँ एउटा पुस्तक पसल  

त्यो भवनको टाकुरामा रहेको गजल रेस्त्राँमा

 कुनै गायिकाले  

गालिबकै गजल गाएर  

गाहकी बढाउला  

वा हुनसक्छ  

त्यो गगनचुम्बी भवनको  

पुस्तकपसलमा कुनै सेल्सम्यानले  

गालिबकै बोली बोलेर  

उनका दीवान ए गालिब  

वा उनको गजलको सीडी बेचिरहेका हुनेछन्  

 हुनेछ  कुनै सभाभवनमा  

गालिबको शतवार्षिकी  

त्यहाँ कुनै मन्त्री भनिरहेका हुनेछन्  

… गालिब   

गत शताब्दीका महान् चित्रकार ॥

अनि बोल्दा बोल्दै उनका झरेका  

आँसुलाई  

क्यामेरामा कैद गर्न  

टीभी च्यानलका लेन्सहरु  

तेस्रो विश्वयुद्ध गरिरहेका हुनेछन्  

तर कसैलाई थाह हुनेछैन  

जहाँ त्यो गजल गाइँदैछ  

जहाँ त्यो दीवान ए गालिब बेचिँदैछ  

जहाँ त्यो स्मृतिसभा हुँदैछ  

त्यही भवनको  

जगमा  

गालिबको चिहान छ भनेर ।  

 

 

Comments

सम्पर्क माध्यम

khasskhass@gmail.com
Share |