हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

रंग बिचार

गोपाल रेग्मी, (वाशिंगटन डी. सी .)




कविशिरोमणिको देखासिखीमा 'रंग बिचार'


यौवन गुलाफी, अधर गुलाफी |
आँखाले बोल्ने भाषा गुलाफी ||
डुब्छन जो प्रेमै रस भित्र काफी |
देख्छन यो सारा धरती गुलाफी ||

आकाश नीलो, पहाड नीलो |
कन्चन सफा त्यो समुद्र नीलो ||
फालेर हेर्दा मनको धमिलो |
सारा जगै हुन्छ पवित्र नीलो ||

लोभै छ कालो, द्रब्यै छ कालो |
रागै छ रीसको निष्पट्ट कालो ||
तोडेर फ्याँक्दा ईर्ष्याको जालो |
देखिन्छ संसार सबै उज्यालो ||

दानै छ सेतो, ज्ञानै छ सेतो |
परोपकार अझै हिमाली सेतो ||
उक्लेर हेर "म" भन्ने नेटो |
सारा जगत नै झलमल्ल सेतो ||

जनवरी ३०, २०१०

Comments

सम्पर्क माध्यम

khasskhass@gmail.com
Share |