हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

मौन प्रतिध्वनी

डा. मधु माधुर्य, (रूस)

 

 डाँडा-पाखा र पर्वतको श्रृङखलाहरुमा
 आकाससम्मै चुलिएको हिमाल हुँ म
 पहिरो देखाउंदै
 भूकम्प
 मलाई जिस्क्याई रहन्छ
 तर्साई रहन्छ
 समथर आँग तन्काएर फैलिएको तराइ हुँ म
 घामले पोलिरहन्छ , पानीले डुबाइ रहन्छ
 
 पिउनु परेपनि अभिशप्त आँसु
 पर्यटकको आँखामा स्वर्ग रंगिएकै छु
 
 नयाँ नेपालको घुम्टो ओढाई
 भाषा-भाषीमा
 जात-जातमा
 राज्य-राज्यमा
 चोक्ट्याउदै छन् मलाइ
 
 यो चक्रब्युहबाट उन्मुक्ति दिन
 गुहार सुनेर मलाई बचाउन
 को सन्तान आयो आज ?
 फगत दागबत्ती दिंदै
 दक्षिण बगाउन आतुर लाम मात्र देखिरहेछु
 के इतिहासका दृष्टिभ्रम हुन् यी सारा
 के यसैमा गर्ब गरूँ सन्तान छन् भनेर मेरा ?

Comments

सम्पर्क माध्यम

khasskhass@gmail.com
Share |