हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

भोक र मृत्‍यु

हरिहर दाहाल, (क्यलिफोर्निया)


मैले उनिहरुलाई भात मागें-
उनिहरुले मलाई भात र बन्दुक दिए
मैले पेट्भरी भात खाए र बन्दुक पड्काएँ |

थुप्रै छातीहरु च्यातेँ
अनगिन्ती टाउकाहरु पड्काएँ
रगतका फाल्सा र लासका डुंङुरहरुसँग
मनभरी रोएर पेट्भरी खाएँ |
मैले माटो खाँएँ,रगत पिएँ र ढुङ्गा सुतेँ |
घाइतेहरुको आर्तनाद् सँग
मानवता बाचिन, क्रुरता ओकलेँ
तिनिहरुलाई निचोरी - निचोरी मारेँ|
र मैले उनिहरुको नुनको गुन फर्काएँ|

ठीक तेसबेला उनिहरु
इन्क्लाब-जिन्दाबादका आवाजहरुले
मृत बस्तिहरुमा बिजय उत्सब मनाउदै थिए|

र मैले यसरी भोक सँग मृत्‍यु साटें,
मनभरी रोंएर पेट्भरी खाएँ |

Comments

सम्पर्क माध्यम

khasskhass@gmail.com
Share |