हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

सहमति !

शिव प्रकाश, (-)

सहमति !

सहमतिका लागि
सहमतिबाट सहमति शुरु हुन्छ
, सहमतिका लागि सहमति बन्छ
सहमति पछि
सहमति तोड्ने अर्को सहमति हुन्छ

सहमति !
एउटा निरन्तर क्रम हो
, सहमति
एउटा निरन्तर भ्रम पनि हो !

सहमति !
सरकार बनाउन चाहिन्छ
सरकार चलाउन चाहिन्छ
सरकार बचाउन चाहिन्छ
सरकार गिराउन पनि चाहिन्छ
सहमति,
सहबासका लागि पनि चाहिन्छ

सहमति !
क्रान्तिका लागि हुन्छ
शान्तिका लागि हुन्छ
सहमति,
स्वार्थका लागि पनि हुन्छ
सहमति !
साधु-साधुबीच हुन्छ
चोर-चोरबीच हुन्छ
सहमति,
साधु चोरबीच पनि हुन्छ
सहमति !
नेता-नेताबीच हुन्छ
सहमति वेश्या-वेश्याबीच हुन्छ
सहमति,
वेश्या महात्माबीच पनि हुन्छ

सहमति !
महलहरुमा हुन्छ
सिंहदरबारहरुमा हुन्छ
दरबारहरुमा हुन्छ
सहमति,
वेश्याबजारहरुमा पनि हुन्छ

चलेको -
मान्छे, संसार समय,
सँस्कार सहबास
सम्पूर्ण सहमतिमा !

हरैंचा, मोरङ हाल - बोस्टन, अमेरिका

Comments

सम्पर्क माध्यम

khasskhass@gmail.com
Share |