हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

कारावास

सङ्गीत आयाम, (चितवन, भरतपुर)

म एक्लै एक्लै
हावाको झोंकाजस्तै छु
कतै बहकिएर
कहीँ सलबलाएको हुनसक्छु
कतै मदहोस हुँदै
कहीँ बर्बराएको पनि हुनसक्छु
अँ म एक्लै एक्लै
हावाको झोंकाजस्तै छु ।

चराहरु निर्बाध उडेको
दुर्लभ सपना बेचेर
स्वतन्त्रताभरि छरिन्छु
घुरमैलो साँझलाई धुँदै
कच्पल्टिएको बिहानभरि
गाढा रङ्ग भर्दछु
कठिन यात्राको चुनौती छ
एकान्तलाई सुसेल्दै यात्रारत छु
कहिलेकाहीँ सपनामा
हार्दिकतापूर्वक मर्दछु
अँ म एक्लै एक्लै
हावाको झोंकाजस्तै छु ।

चाहे जीवन
मौनता झैं बगोस् परसम्म
नागबेली नदी हुँदै
चाहे जीवन
बगर झैं बढोस् लक्ष्यतिर
मरुभूमिको तिर्खासँगै
म मेरै परिधिमा
पराधीन हुँदै
विजयोत्सव मनाउँछु
म मेरै भग्नावशेषबाट
मुक्तिकामी गीत बोकेर
अभिनन्दित छु
अँ म एक्लै एक्लै
हावाको झोंकाजस्तै छु ।



sangeetaayam@ntc.net.np

Comments

सम्पर्क माध्यम

khasskhass@gmail.com
Share |