हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

मेरो परिचय

सुषमा मानन्धर, (ललितपुर)

हिजोसम्म
एउटा गतिलो परिचय थियो
आफू हुनुको;
उज्यालो हिमाल
र हरिया फांट
सगरमाथाको फेदीमा
ध्यानमग्न बुध्द
शान्तिका जोडी आंखा
कोमल हेराइमा
एउटा स्वाभिमानी नाम
थुप्रै परिचय । अपरिचयभित्र
मैले गर्व गर्ने
मेरो नेपाल ॥
पहाडको पहिरोमा
तराई डुबेर
नाम गुमाएकी
सुकुम्बासी अहिले मसंग
कुनै परिचय छैन
आफू आफू वीचको
परिचयको लडाईमा
मुटुभित्र आर्तनाद
घायल र रक्ताम्य गुरांस
सेता परेवाहरु उड्दैनन्
बाज र विरालोको डरले
बन्द आंखाहरु
टाउका टाउकामा
आला घाउहरु
खै कसले हान्यो
ताक्यो निसानी
हान्ने यो म हैन
कदापि हैन ॥
मेरो सिँगो परिचय
मेरो भ्रम थिएन
मेरो स्वाभिमानी सपना
मैले हिँड्ने कान्लामा डढेका छन्
मेरो गाउंबस्ती अझै
भयमिश्रित शान्त
खै कसले आंखा लायो !
हिँसाको रापमा
सगरमाथा पग्लिंदैछ
बुध्दको आंखाबाट
तप तप ॥
एउटा ढुंगा बजि्रएको छ
मेरो अस्तित्व
चर्कियो धेरै टुक्रामा
अन्यौलमा छु
म सोध्दैछु
'को हुं म !"
शायद गुमाउंदैछु आफनो परिचय
अझै विखण्डित हुने
भयावह आशंकामा ।


 

Comments

सम्पर्क माध्यम

khasskhass@gmail.com
Share |