हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

बसन्त वर्षा

कृष्ण प्रसाई, (हाल: कोरिया)

संयोग नै भनुँ
तिमीसंगको पहिलो भेटमै-
तिमीले मलाई  बसन्त हुनु भनेकी थियौं ।
 बसन्तको पर्याय-
मलाई काफल र कोइली मनपरे पनि
राताम्मे गुरासे पाखाले मन छोए पनि
वर्षाऋतु मन पर्नुमा-
मेरै कमजोरी हुन सक्थ्यो ।
हामी वीचको अन्तर यति नै थियो -
काफल पाक्नु र वैश फुल्नु जस्तै ।
कोइली बोल्नु र बसन्त फल्नु जस्तै ।
त्यस्तै त्यस्ता सम्झनाहरुको ताँतीमा-
मलाई मनपर्ने मनसुनहरु थाती राखेर-
मलाई मन पर्ने बादलका रातहरु छोडेर
एक दिन मैले एकाएक तिमी मै समाहित हुने गरी
बसन्तको पर्याय तिमीसंगै सम्झौता गरे
त्यति खेर मलाई -
मेरो मायाको पराजय भन्दा पनि-
तिम्रो सम्मोहनको विजयले तान्यो ।
 बसन्त त निकै मापाको हुदोरहेछ
माया गर्न मान्छेहरुलाई-
बसन्त त निकै बलशाली हुदोरहेछ
मन चोर्न मान्छेहरुलाई ।
एक दिन त उस्ले सुटुक्क भन्यो-
मेरो सृजनामा झुक्न सक्ने कवि
एक पटक आफै बसन्त हुन सिक त !
 

Comments

सम्पर्क माध्यम

khasskhass@gmail.com
Share |