हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

म त नसक्ने भएँ

सन्तोष थपलिया, (न्युयोर्क)

म त नसक्ने भएँ
सक्दै नसक्ने भएँ
मायाको गरुङ्गो भार
उचालेर थाम्नै नसक्ने भएँ !!

सपनीमा ब्युझ्याएको ब्युझ्याई
विपनीमा सताएको सतायै
लेख्दा नि त्यही गीत
सुन्दा नि त्यही संगीत
कति साह्रो न्यास्रो बनाएको
न म बोल्नै सक्ने भएँ
न म चल्नै सक्ने भएँ
यो मायाको वन्धन
न झेल्न न चुडाउन सक्ने भएँ !!

रोगीको डाक्टर हुनुपर्ने मन
मायाको विरामी भो
कथाको कथाकार नभई
कथा भित्रको एउटा पात्र भो मन
खै,
संसार बोकेर उड्न सक्नु पर्ने
भावनाले उडाउने भो मन
कल्पनाले दौडाउने भो मन
म त नसक्ने भएँ
यो मायाको तरङ्ग वाहेक
बग्नै नसक्ने भएँ
बगी हाले पनि
मायाकै गाउँ वाहेक
अन्त पुग्नै नसक्ने भएँ !!

Comments

सम्पर्क माध्यम

khasskhass@gmail.com
Share |