हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

उज्यालो छर्दै आउने जून

इन्द्रकुमार श्रेष्ठ ‘सरित्’, (काठमाडौँ)

एकटक लाएर जूनेली रातमा

जून हेर्नुको आनन्द बर्णन गरिसक्नु छैन

ओछ्यानमा पल्टिएर

आँगनमा बसेर

जङ्गलको घाँसे मैदानमा खाली खुट्टा हिंड्दै

पूर्णआकारको जून हेर्नुको स्वर्णिम तृप्ति भनेर साध्य छैन ।

 

सफा आकाशको ठीक माझमा

टिका झैं गोलो आकार लिएर

अँध्यारो उज्यालो झन धेरै उज्यालोछर्दै

जगतबाट अँध्यारो हटाउने यो पूर्ण जून

यसलाई एकपटक न्यानो अगालोमा राख्न मन लाग्छ ।

मेरो मनोभाव बुझेर हो कि

मुसुक्क हाँसेर जूनले भन्छयो त सम्भव छैन ।

हुन्छ

अँध्यारोको साम्राज्यलाई जित्ने

टुकी नचाहिने

दियालो पनि नचाहिने

बिना आमन्त्रण घर घरमा आउने

उज्यालो जूनलाई कसले भन्न सक्छ

मैले तिमीलाई स्वागत गरेको छैन ?

 

म हिंड्छु जून हिंड्छ

म रोकिन्छु जून रोकिन्छ

अहो!  अहो!  मैले बुझें

जूनको उज्यालो चाहिने भए जूनसंगै

म आफैं हिंड्नुपर्छ

आफैं गतिशील हुनुपर्छ ।

 

Comments

सम्पर्क माध्यम

khasskhass@gmail.com
Share |