हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

गीत

श्याम तमोट, (काठमाडौँ)

कस्ले सोच्या होला र खै, कस्ले लेख्या होला
सपनीमा पनि यस्तो,कस्ले देख्या होला ?


हेर्दा हेर्दै आकाशमा कालो बादल आयो
धर्ती चल्यो, घर ढल्यो, अन्धकार छायो
भागाभाग, दौडादौड, कोलाहल स्वर
मृत्यु सामु परेपछि नभाग्ने को भो र ?

शताव्दीका सिर्जनालाई छिनभरमा हर्ने
मानवका गाउँ वस्ती सुनसान पार्ने
बाबा आमा, लाला बाला भेद नराखेर
लैजाने त्यो निर्दयीलाई को भयो र टार्ने ?

रुनसम्म रोए आँखा अब रुने छैनन्
अधैर्य र बिचलित अब हुने छैनन्
फेरी पनि सृजनाले पार्दै हराभरा
बनाउनु छ जिन्दगानी सिँगार्नु छ धरा ।

कस्ले सोच्या होला र खै, कस्ले लेख्या होला
सपनीमा पनि यस्तो,कस्ले देख्या होला ?

Comments

सम्पर्क माध्यम

khasskhass@gmail.com
Share |