बडा दशैं २०७६ को शुभ उपलक्ष्यमा खसखस डट कमका सम्पूर्ण पाहुना, पाठक, श्रोता, लेखक तथा शुभचिन्तकहरुमा मङ्गलमय हार्दिक शुभकामना !

हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

बयान

अमृत सुवेदी ‘गुराँस’, (पोखरा)

पहिले परिवारका सदस्य उचाल्यो र घर बिगार्यो

समयले मान्छे चिनाउँछ भनेर चित्त बुझाएँ

साहु उचाल्यो, घरखेत लिलाम गराइदियो

मेरा बलिया पाखुरीहरु छन् भनेर चित्त बुझाँए

गाउँले उचाल्यो, काम नदिनु भन्यो 

मसँग हिम्मत छ, गरिखान्छु भनेर चित्त बुझाएँ

 

मैले कुटो कोदालो उचालें पाखुरी बजारें,

बञ्जरभुमीमा पसिना रोपें र भकारी भरें

 

उसले परिवार उचाल्यो

सँधेंरी छिमेकी उचाल्यो 

साहु उचाल्यो 

गाउँका मान्छे उचाल्यो 

म हिड्ने बाटो वरिपरिका मान्छेहरु उचाल्यो

म केही बोलिन,

मात्र धन्यबाद बोलें

 

यसपटक भने म नराम्ररी विस्फोट भएँ

चट्याङ भएर पड्कें

म अचानोबाट तरबार भएँ 

, काटिदिँए कुरुप मानसिकताको चुचुरो

आगो भएर दन्कें

र जलाइदिँए घमन्डका पहाडहरु

जब मेरा आँखाले विध्वंश बाहेक केही देखेन

बाँकी केके गरें थाहा भएन महाशय

किनकी,

यसपटक उसले अरु कोही,केही उचालेको थिएन

मेरै इज्जत उचालेको थियो


Comments

सम्पर्क माध्यम

khasskhass@gmail.com
Share |