हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

मान्छे अचेल

जय प्रकाश विवश, (आँखिभुईँ ८ संखुवासभा)

हरेक पल फाईदाका गित बोकेर हिड्छ

जीतकै सारङ्गी बोकेर

हरेक पल मेरै महिमाको सारेगम गाएर हिड्छ।

म बाहेक पनि छ र दुनियाँ भन्ने छ दर्शन उसको

आफु बाहेकको संसार कल्पना बाहिर छ उसको

हो उही हो आधुनिक मान्छे।।।

रित्तो मन छ, एक्लिएकोछ साराबाट

आधुनिकताको नाम बोकेर बाँचेकोछ

मेसिनसँग गाँसेकोछ नाता अचेल

मान्छे त खै उसले चिन्दैन पो

चाहे उसका अगाडि कैयौं मानव आकृति सवार हुन,

उसकै अघि सिङगो मानवता संघारमा होस संहारको

उ शून्य आँखा बोकेर उभिन्छ, भावना शून्य

विचार र सोचाई विहिन एउटा बुख्याचा।।

समय चिन्छ रे उसले युग चिन्छ रे

भन्छन समयसँग चल्नसिकेकोछ

कम्तिमा बाँच्न सिकेकोछ

विपत्ति चुलिन्छ वस्तिमा, अभाव आकाशिन्छ टोलमा

उ एउटा प्रतिनिधि हो भोगाईको

तर

उ संवेदनाहीन उभिन्छ।।


रित्तो मन छ, चिम्सा नयन एक जोडी

खडेरीले छुन्न उसलाई

गरिबीले छुन्न उसलाई

अनिकालले छुन्न उसलाई

किनकी

उसले आँफै बाँच्न सिकेकोछ।।

 

बिना लाभ त के हुन्थ्यो र?

जे होस एकलकाँटे जीवन जीउन सिकेकोछ

यहाँ यस्तै छ

मान्छेले अरुका लागि नबाँचे पनि 

आफु त बाँच्न सिकेकोछ।।                  

Comments

सम्पर्क माध्यम

khasskhass@gmail.com
Share |