हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

एब्स्ट्रयाक्ट शान्ति

नरेन्द्रकुमार नगरकोटी, ( )

बुद्ध पूर्णिमाको मध्यरातमा

बिलय भयो जून

शान्तिको एब्स्ट्रयाक्ट आकाशमा

 

मौन छ समयको वाचाल ओठ

बन्द छन् तराजु बोक्ने आँखाहरु

रोकेको छ कसैले हावाको वेग

न फर्फराउँछ राष्ट्रिय झण्डा

न सुनिन्छ ॐ माने पेमे हुँ

मानिसहरू सम्झन्छन्

शान्ति पोतिएको छ

देशको आकाशे पेन्टिङमा

 

चुपचाप घर फर्किएको छ हतियारधारी

ध्यानमग्न छन् बन्दुकहरु

खुइलिँदैछ जीवनबाट बुद्धत्वको रङ

भइरहेछ तयारी अर्को मुक्तिको

चोरेको छ कसैले फूलको सुवास

न मुस्कुराउँछ बालक

न खिल्खिलाउँछ प्रेमी भँवरा

मानिसहरु विश्वास गर्छन्

एब्स्ट्रयाक्ट हुँनेरहेछ शान्तिको पौभाचित्र

 

स्वतन्त्रता लेखिएको छ व्यानरमा

र काटिँदैछ पखेटा चराहरुको

थाहा छैन कुनकुन पाइतालाले टेके

देशको छातीमा

छेकेको छ कसैले नदीको बहावलाई

न कल्कलाउँछ जीन्दगीको सङ्गीत

न रमाउँछ सीमानाछेउको माटो

मानिसहरु सुनाइरहेछन्

शान्तिको अमूर्त कविता

 

बुद्धपूर्णिमाको मध्यरातमा

फेरियो शान्तिको परिभाषा ।

 

            

Comments

सम्पर्क माध्यम

khasskhass@gmail.com
Share |