बडा दशैं २०७६ को शुभ उपलक्ष्यमा खसखस डट कमका सम्पूर्ण पाहुना, पाठक, श्रोता, लेखक तथा शुभचिन्तकहरुमा मङ्गलमय हार्दिक शुभकामना !

हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

दशैं

अनिल घिमिरे, (तेह्रथुम)

एक वर्ष भरि
पुरानो कमिजले बेरिएर
माथि बुइगलमा मुस्किलले साश फेर्दै
बिंड अनि वरिपरी कट्कटिएका
पोहोर सालका रगतका छिटा चाट्दै
फेरी एक पटक आलो रगत पिउने आशमा
पुलुक्क आँखा खोलेर हेर्दै छन् कैयौ कत्ती हरु .
पर टाट्नामा
तन्की तन्की बकैनाका डाठ चपाई रहेका उसका शिकार

एकातिर
धुलो लागेको क्यालकुलेटर
सन्दुकको छेउबाट निस्केर चिटिक्क परेर
साउ ब्याज स्याज अनि प्याजसम्म
जोड्न र गुणन गर्न तयार छ
अनि
तल आँगनको
पन्ध्र ठाउँ टालेको जुवारी कोट
दाइने हातको कुइना सम्म निस्केको कालो रंगको जनै
दश ठाउँ टुप्पी निस्किएको घुर्मैलो टोपी
कानमा सिउरिएको आधा खाएको सुर्ती

झुस्स परेका दारी
काला दांत ,काला नङ र
रसिला आँखा सहित जोडिएका हात
गनाउने पसीना, गोबर, तितेपाती र
बड्कॆउलाको तिखो गन्ध
स्वाद मानेर जिब्रो चाट्दै छ
क्यालकुलेटर
हुक्का तान्दै .

अर्को तिर
झिंगा सुलुत्तै चिप्लेर लड्ने गाडी
पछाडी फुसुसुसु फ़ुस्फ़ुसाउदै छ
सपिङ्ग मलका प्राइस ट्यागमा
रेब्यान भित्रका नीला आखा
नजर दौडाउदै  छन्
हातमा आइसक्रिम बोकेर

हरेक क्यालेन्डरका पाना पल्टाईसंगै
काफल पाक्योको गीतसंगै
टाकीले पालुवा फेरेसंगै
एक पटक फेरी आउछ
दशैँ ,
र दोहोरी रहन्छन यि
कहिल्यै नसकिने घटना

Comments

सम्पर्क माध्यम

khasskhass@gmail.com
Share |