हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

नेता

बिनोद खड्का, (दुवाकोट ६, भक्तपुर)

नेता
बोली दिन्छ
केवल बोली दिन्छ
सीमारहीत
अर्थ हीन
मात्र बोली दिन्छ
फेरी पनि
ताली बजाउँनुकॊ विकल्प छैन ।

ऊ कहिले
मेलम्ची लेराउँछु भन्छ
कहिले
पानी शहरभरी बगाउँछु भन्छ
जलश्रोतको धनी देश भन्छ
फेरी पनि
काकाकुल बन्नुको विकल्प छैन ।


सडक तताउँछ
शहर थर्काउँछ
आन्दोलन चर्काउँछ
आफु पछाडी बस्छ
जनता अगाडी लगाउँछ
फेरी पनि
गोली खानुको विकल्प छैन ।


देश विकाशको कुरा गर्छ
गरिबी निवारणको
फूर्ती गर्छ
तेलको भाउ  बड्दैछ
महँगी चम्कदैछ
फेरी पनि
बाँच्नको लागी बाँच्नुकॊ विकल्प छैन ।

जलश्रोतको धनी देश
प्रचार गर्दैछ
बिजुली बेच्ने कुरा गर्छ
बिजुलीको भाउ बड्दैछ
लोडसेडिग चल्दैछ
फेरी पनि
अँध्यारोमा बस्नुको विकल्प छैन ।

यहाँ
देश नेता जन्माउँदैछ
एकबाट दूई
दूईबाट चार
नेता भाषण रच्दैछ
फेरी पनि
सुन्नु र भोग्नुको विकल्प छैन ।


२९ फरवरी २००८
हाल: दोहा, कतार


 

Comments

सम्पर्क माध्यम

khasskhass@gmail.com
Share |