हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

गजल

दिपक जडित , (हवाई, अमेरिका )


खडेरीमा यो हालत नपार्नु मलाई ।
चाहना गहिराईमै छ डुब्नु मलाई ।

उसको पनि होइन म, तर त्यसैले,
तिमीले आफ्नै हो जस्तो नठान्नु मलाई ।

कागज हुँ म कोरिई सकेको पहिल्यै,
पढ्न नसक्दाको विकल्प च्यात्नु मलाई ।

कि फुक्नेछौ श्वासले कि हातैले छुनेछौ,
आखीर 'दीपक' हुँ के डर निभ्नु मलाई ।

हुँदा अँध्यारो फेरि मैलाई सम्झिएर,
जलाउनु आपत्ति छैन जल्नु मलाई ।

Comments

सम्पर्क माध्यम

khasskhass@gmail.com
Share |