हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

बौलाहा कविको सपना

नर बहादुर दाहाल , (दार्जिलिंग)


मलाई पटक्कै निद्रा
लाग्दैन
तर पनि
म सधैं
तिमीलाई सपनामा देख्छु
कहिलेकाहीँ
चिट्ठी लेख्न बस्छु ।

तर
चिट्ठी लेख्दा लेख्दै
कविता पो लेख्छु
आघात पर्दा
म मरिमरि हाँस्छु
खुशी हुँदा
धुरुधुरु रुन्छु ।

तिम्रो मेरो प्रेमको
कुनै नाउँ नै छैन ।

तिम्रो माया
धेरै भएछ क्यार !
यसलाई कतै
राख्ने ठाउँ नै छैन ।

पृथ्वी सूर्यको वरिपरि
घूमोस कि नघूमोस
मेरो
मन त
तिम्रै वरिपरि
घुमे जस्तो लाग्छ ।
समयले छलेको
म एक्लो मान्छे
जीवन पनि
मदेखि
डराएर भाग्छ ।

Comments

सम्पर्क माध्यम

khasskhass@gmail.com
Share |