बडा दशैं २०७६ को शुभ उपलक्ष्यमा खसखस डट कमका सम्पूर्ण पाहुना, पाठक, श्रोता, लेखक तथा शुभचिन्तकहरुमा मङ्गलमय हार्दिक शुभकामना !

हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

मन मान्दैन, म के गरुं

नर बहादुर दाहाल , (दार्जिलिंग )


आज आकाश अतृप्त छ
,

भावनाहरू सबै सुसुप्त छन् ।

अझ

मेरो मन विक्षिप्त छ ।

यसले तिमीलाई खोज्दै,

सारा पृथ्वी परिक्रमा गरिसक्यो ।

 

तर म जान्दछु.....,

तिमी त

मेरा नजर वरिपरि छौ

सपना भरिभरि छौ

कविताका शब्द शब्दमा बसेर

भावनामा हरघड़ी छौ ।

तर तिमीलाई नदेख्दा यो मन,

रंगविरंगी सपनाहरू बोकेर,

तिम्रो प्रतीक्षा गरिरहन्छ ।

म जान्दछु...

 

आज तिमीसंग मेरो

भेट हुँदैन ।

तर यो मन,

व्यग्रताका काँड़ाहरू टेकेर

तिमी हिँड़ने बाटोमा

ओहोर दोहोर गरिरहन्छ ।

किनभने

तिम्रो स्पर्शको सुगन्ध बिना

अब यो नबाँच्ने भैसक्यो ।

 

तिम्रो अधरमा फुलेका

सौन्दर्यका फूलहरू नबटुली

यो हाँस्न नसक्ने भैसक्यो ।

तर प्रेम त साकारमा होइन

निराकारमा हुन्छ ।

यसैले त तिमी

सधैं

मेरो मन भित्र नै छौ ।

यति पनि यसले जान्दैन

अनि

म के गरूँ ?

यो मेरो मन मान्दैन

अनि

म के गरूँ ?

Comments

सम्पर्क माध्यम

khasskhass@gmail.com
Share |