हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

आकाशमा उडिरहेका गिद्धहरू

नर बहादुर दाहाल, (दार्जिलिंग)


सिनू खान पल्केका

गिद्धहरू,

आज पनि

सिनू देखेरै होला,

आकाशमा कावा खाँदैछन् ।


उनीहरुको पदचाप सुनेर

फूलहरुको सौन्दर्य ओइलाउँछ .

उनीहरुको नजर लागेपछि

नदी-नालाहरू सबै सुक्दै जान्छ,

किनभने

उनीहरुलाई जीवन चाहिँदैन,

मृत्यु भए पुग्छ ।

 

सुन्दर, रमाइलो, सुखद

जीवनसंग

उनीहरू सधैं विक्षुव्ध छन् ।

 

संगीतको सुमधुर लयमा भन्दा

बन्दुक र बमको आवाजमै

उनीहरु विमुग्ध छन ।

यसैले त

उनीहरू

सधैं अतृप्त छन् ,

अनि

पानी पिएर होइन,

रगत चुसेरै

प्यास मेटाउँछन् |

Comments

सम्पर्क माध्यम

khasskhass@gmail.com
Share |