टेलिकन्फरेन्स कविता वाचन सम्पन्न,(खसखस डट कम समाचारदाता )
जुन १३, २०१५
खसखस डट कमको
आयोजनामा पहिलो पटक टेलिकन्फरेन्सको माध्यमबाट आज जून १३, २०१५ का दिन भूकम्प सम्बन्धी विशेष कविता वाचन
कार्यक्रम सम्पन्न भयो | अमेरिकी पूर्वी समय
राती ठिक ९.१५ मा आरम्भ भएको सो कविता वाचन् कार्यक्रममा क्रमशः कल्पना
सुवेदी-भर्जिनिया; मानकाजी श्रेष्ठ-
क्यानाडा; होमनाथ सुवेदी-भर्जिनिया;
ज्ञानेन्द्र गदाल- कोलोराडो; प्रमोद अमात्य तथा
निरन्जन वाग्ले- क्यालिफोर्निया; मिना शाक्य- फ्लोरिडा;
रामचन्द्र भट्टराई- भर्जिनिया; निरा शर्मा-भर्जिनिया;
परशु तिम्सिना- भर्जिनिया; हरी घिमिरे- भर्जिनिया;
सुशील ताम्राकार- एरिजोना तथा बासु श्रेष्ठ,
भर्जिनियाले आआफ्ना कविता वाचन गरेका थिए |
यस प्रकारको पहिलो विशेष कार्यक्रम अमेरिका र क्यानाडाकोलागी मात्र
व्यवस्था गरिएको तथा कार्यक्रम लोकप्रियताको आधारमा बेलायत,
बेल्जियम, इजराएल तथा अन्य
देशमापनि गरिने योजना रहेको छ |
वाचन गरिएका कविताहरुमा छानिएका कविताहरुको सङ्ग्रह खसखस डट कमबाट प्रकाशित
गरिने योजनापनि रहेको छ |
सहभागी सबैले यस प्रकारको नौलो कार्यक्रममा सहभागी हुन् पाएकोमा खुशी
व्यक्त गर्दै कविता वाचन गरेका थिए भने आयोजकका तर्फबाट बासु श्रेष्ठले सबैलाई
धन्यवाद ज्ञापन गरेका थिए |