प्रियतमा सुतेको बेला
नर बहादुर दाहाल, (दार्जिलिंग)
ए स्वप्नलोककी परी !
तिमी आऊ सुस्तरी,
सुतेकी छन् यहाँ
मेरी प्रियतमा,
उनको अर्द्धमुदित नयन
र
कोमल अधरमा
छ,
मधुर कम्पन।
चलिरहेछ,
तीब्रगतिमा
उनको
मुटुको स्पन्दन।
परिश्रान्त छिन उनी
निद्रा बनि आऊ.....
हतास छन् उनी
आशा बनि आऊ...
हल्का स्पर्शले
उनलाई
थपथपाएर सुताऊ
अनि
मदहोश बनाऊ
दिइ ,मधुर चुम्बन !
Comments
janga lama
thank you ka b ta padna payakoma ajjhai padna paau