हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

उज्यालो

होम बहादुर क्षेत्री, (कुवेत)

दियोको उज्यालोमा

सास फेर्नेहरु  

एक खेप सलाम गर उस्लाई

जस्ले ज्योतिको आविष्कार गर्यो

नतमस्तक भै देउ एक खेप

त्यस माचिसको तिलीप्रति

जस्ले घिस्सीएर ज्योतिको मुहान बनायो

तिम्रालागि

एक पल्ट धन्यवाद  देऊ

त्यस खिनौटे हात लाई

जसको कलात्मक जादुले

पाला बन्यो

सम्झीदेउ एक बार

त्यस कपासको सलेदोलाई

जो जल्दछ तिम्रालागि

याद गरिदेउ एक खेप त्यस तिललाई

जुन पिस्सिएर तेल बन्दछ

तिम्रालागि

ज्योति उमार्न

जुन उज्यालो तिम्रो संघारमा लुकामारी खेल्छ

त्यस्को सानो हकदार

अँध्यारोको त्यो घुम्टो पनि हो

जुन दियोमुनि

लम्पसार छ मौन |

Comments

सम्पर्क माध्यम

khasskhass@gmail.com
Share |