हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

फूल र काँढा

गोविन्द गिरी प्रेरणा, (मनासस, भर्जिनिया, अमेरिका)


फूलको वस्तीमा आएर

काँढाले सोध्यो

वास पाउन सकिन्छ कि  

 

फूल त फूलै हो

स्वभावैले सुकोमल

वास दिन मंजुर भयो ।

 

एकदिन काँढाले भन्यो

वास त पाइयो

साथ पनि पाइन्थ्यो कि  

 

फूल त फूलै हो

हृदयले स्वच्छ पवित्र

साथ दिन तयार भयो ।

 

वास र साथ पाउने काँढाले

फूललाई घोच्न थाल्यो चिथोर्न थाल्यो

रगताम्य पार्न थाल्यो ।

 

युगौंदेखि फूल

आफैंले वास र साथ दिएको

काँढाको पीडा खपिरहेछ  

निरन्तर खपिरहेछ ।

 

१८ डिसेम्वर २०१०

 

 

Comments

सम्पर्क माध्यम

khasskhass@gmail.com
Share |