दीपावलीको शुभकामना छ
रमेश खकुरेल, (काठमाडौँ)
गर्मी हरायो न निकै चिसो छ
वर्षा बिलायो न कतै हिलो छ
सबै जनामा शतवन्दना छ
दीपावलीको शुभकामना छ
यो पर्व उल्लास र आशाको होस्
सम्भावना होस् र अभाव भागोस
लक्ष्मी खुशी हुन् यति भावना छ
दीपावलीको शुभकामना छ
भए होस राता समग्र कालो
जालीहरूको जाति होस् न जालो
हारिन्न कैल्यै यदि चेतना छ
दीपावलीको शुभकामना छ
आस्था दियो हो बलिराख्नु पर्छ
सथत्व कालो तम मर्छ मर्छ
हुनेछ राम्रो यदि सिर्जना छ
दीपावलीको शुभकामना छ
जो बुझ्दछन किन्तु निरीह बन्छन
स्वयम तमिस र तमभित्र रम्छन्
तिनीहरूमा समवेदना छ
दीपावलीको शुभकामना छ
