हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

अपरिचितको भिडमा

गीता थापा (दोषी), (इजरायल)


परिचय दिंदै आफैँ उदाङ्गिएर
बेचिरहेछु श्रम पराइ भूमीमा,
किनकी मैले पनि
अरुजस्तै आफ्नो भाग्य
आफैँ कोर्नु सक्नु पर्ने छ
आत्मानिर्भर भएर,
यो कहालिलाग्दो
उमेर पचाउनु छ,
त्यसैले बिना हिच्किचाहट
पराइभूमीमा बेचिरहेछु श्रम
कागजका खोस्टा
बटुल्ने होडबाजीमा
आजको यो वैज्ञानिक
र,आधुनिक युगको
दोसाधमा उभिएर हार मान्यो
भने! आफ्नै भोको पेट र,
नाङ्गो आङले गिज्याई रहने
डर छ मलाइ डर र त्रास:
लुकाउने क्रममा म
अचेल मान्छे हुनुको
हक दावी गर्न
हिच्किच्चाउदिन किनकी!
थाहा छ मलाइ मबाटै शुरुवात
गर्नु पर्ने छ,नयाँ नेपालको
नयाँ बिहानी र नयाँ दिनको
उपभोग गर्न!
जलश्रोतको धनी
मानिएको मेरो देशमा
लोड्सेडिङको मारले पिसिएको
सिङ्गो जीवन दिनको
उज्यालो,सूर्यलाई
आँखामा सुरक्षित गरेर
ती काला रातका लामा
खण्ड नै उज्यालो बनाउनु छ,
त्यसैले अपरिचितको
भिडमा आत्मा सम्मान
बन्दुक राखेर को भन्दा को कम
भनेर बाँच्ने आफैँ भित्र
दरिलो प्रतिबद्धता‏ गर्दै
पैसा बेगर केही हुन्न
भन्ने कपूत मस्तिष्कको
मथिङ्गलको साघुँरा बिचार
भित्रका बिचार एक्लै
मन्थन गर्दै मानव
हुनुको महसुसमा
आफैँले कोरेका लक्ष्मण
रेखा आफैँले उल्लंघन
गरी परिस्थितीले
निम्ताएको अवस्था हो!
भनि चित्त बुझाउँदै
पराइभूमीमा बेचिरहेछु श्रम
कागजका खोस्टा बटुल्ने
होडबाजीमा!

Comments

सम्पर्क माध्यम

khasskhass@gmail.com
Share |