गुनासो
बिमल गिरी, (चारपाने झापा, हाल: बेल्जियम,ब्रसेल्स)
समय एकनास नहुदो रहेछ
अन्तर बिरोधहरुको भिडमा
आज कताकता
स्वाभिमानमा
अचानक
बिना बर्षा
बिना सुनामी
पैरो गए जस्तो
लागिरहेछ
लगाम बिनाको
कलमहरुको भिडमा
अक्षर कुद्नेहरुको
बगालमा ।
घोकेको बौद्धिकता
छाट्नेहरुको लाममा
उभिन बेक्कार रहेछ
द्रबित हुन्छु
पचाइ दिन्छु
निरर्थक
को सङ्ग गर्नु छ र?
गुनासो
अनर्थको ।
म एक्लो
स्वाभिमानी
दुखेका मनका
समिश्रणमा तरङ्गित हुँदै
आशु स्विकारे
अस्विकृत बने
फिस्स हासि दिए
निसन्देह
समयले
सङ्ख फुकिरहेछ।