सधै जस्तै………
श्याम तमोट, (भोजपुर)
सधै जस्तै दशैं पक्कै रमाएर गयो होला
बा को टुपी माँ को चुल्ठो समाएर गयो होला ।
अलि नाना अलि खाना अलि अलि ताना बाना
घर मुलीको झम्के थैली सकाएर गयो होला ।
उचा-नीचा लेना-देना त्यसै त्यसै रिसाएर
नमिलेका बान्धवलाई मिलाएर गयो होला ।
रोटे पिङ लिङ्गे पिङ गाँउ घर हाँस्तै खेल्दै
बैसालुको आँखाभरी सर्माएर गयो होला ।
सरकारको सुरै छैन संविधानको कुरै छैन
नयाँ नेपाल खोज्नेलाई गर्माएर गयो होला ।
२०६७/०६/२६