गजल
राम खत्री, (न्यु योर्क)
बिदा लिनेछ बडा दशैँले हामीबाट छिट्टै
आउन हतारिदैँछ तीहार हामी माझ छिट्टै ।
पाँच दिने पर्व हो यो पाचक पनि भन्छन्
भिन्नै मजा भिन्नै रौनक ल्याउनेछ हामी माझ छिट्टै ।
काग, कुकुर, गाई र लक्ष्मी सबैलाई पुजा गर्दै
दाजुभाईको पुजा हुने चाड आउंदैछ हामी माझ छिट्टै ।
पुजाको त बहाना हो माया र ममतालाई अटल राख्ने
दिदिबहिनी र दाजुभाईलाई नजिक्याउने पर्ब आउंदैछ हामी माझ छिट्टै ।
निधारमा सप्तरङ्गी टिका गलामा मखमलीको माला
दाजुभाईको दीघार्युको प्रार्थना गर्ने पर्ब आउंदैछ हामी माझ छिट्टै ।
