हालसालैका लेखहरु : धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ)

आमा

उषा गिरी, (हाल: ब्रसेल्स,बेल्जियम)

जीवन संग जुझ्दै

हारहरुलाई स्विकार्दै

दृढ अठोट मनभरि पाल्दै

बिचलित नभैकन

चुला र चौकामा

ढिकि र जातोमा

विवशतामा रमाइरहेकी

प्रफु मेरी आमा-

तिमीले आफ्नो

पिडाको क्षणलाई

हाँसी हाँसी  

हामीलाई हसाऊँदै

अस्मिताको जोखिमहरुलाई भुली

रजस्वलाको कष्टप्रद

गर्भधारणको पट्यारलाग्दो

समयको ख्याल नगरि

निरुत्तर जन्म दियौ

को खा को खा

नानी खा भन्दै

उदास छाप्रोमा

एकादेशको कथा सुनाउदै

खान सिकायौ

मन भरि आशुको

सलेदो सल्काउदै

पसिना रुदै

तिम्रा मलीला हातहरुले

काख भरि भरि खेलायौ

ओठभरि सुम्सुमायौ

मुस्कान छर्दै हास्न सिकायौ

तर म टाढाछु आमा !

बिरक्त बन्दी जस्तो

बादलको छेउबाट चिहाइ रहेछु

मनका छिटाहरुबाट

आमाको खातिर

हाङ्गा बिनाको

हिउदको रुखझै

एकाकि चिन्तन

पालिरहेछु।।

 

 

चारपाने झापा

u-giri@hotmail.com

Comments

सम्पर्क माध्यम

khasskhass@gmail.com
Share |