हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

शुभकामना

आनन्दप्रसाद शर्मा, (हाल: वाशिंगटन डि.सी)


हातमा लक्ष्मीको वास मुखमा सरस्वतीको ।

गाथमा सर्वदासाथ माता दुर्गा भवानीको ॥

 

जीउमा साच सुविस्ता मनमा शान्ति चैन होस् ।

शोक सन्ताप चिन्ताको छायाछर्को हुदै नहोस् ॥

 

शत्रुको शक्ति सामर्थ्य बुद्धि होस पराजित ।

हार स्विकारी पाउमा पर्न आउन् निरन्तर 

 

मित्रको एकता शक्ति बाहु बुद्धि पराक्रम ।

वृद्धि यो दिनमा दुई रातमा होस चौ गुणा ॥

 

नलागोस् ठेश खुट्टामा घाउचोट शरीरमा ।

नझरोस नुहाउदा कोरदा केश भुइमा ॥

 

सन्तान दरसन्तान सुखी सम्पन्न शिक्षित ।

धर्तीका श्रोतले धान्ने होउन 'अधिक वर्जित'  

 

यस ऐश्वर्य आरोग्य विद्या बुद्धि कला धन ।

क्षमता योग्यता आदि वृद्धि होउन दिन दिन ॥

 

मान सम्मान दायित्व क्षमता अनुसारको ।

प्राप्त होस् काम कर्तब्य गर्नु सोही हिसाबको ॥

 

फैलियोस् नाम सत्कर्म धर्तीको परिधि भरी ।

चन्द्रसूर्य र ताराको ज्योति कान्ति गएसरी ॥

 

जवानी फूलको जस्तो सदावहार यौवन ।

चाहना अरुले राखुन् सरी त्यो पुष्प वासना ॥

 

वुद्ध झै शान्ति सन्देश शीतल वर पिपल ।

छरी कल्याणका कार्य गर्नु नित्य निरन्तर ॥

 

राम झैं शासन गर्नु वुद्ध झै ज्ञान आर्जन ।

प्रतिज्ञा भीष्मको जस्तो भगीरथ परिश्रम ॥

 

उज्यालो घामले जस्तै शीतल सरी जूनले ।

छरी युगान्त युगान्त जीवन्त वन्नु नामले ॥

 

अरुको भावना वुझ्ने क्षमता होस चाहना ।

वुद्धि विवेक सद्भाव सवै गुण टनाटन ॥

 

एकता मौरीको जस्तो क्षमता प्राण वायूको ।

मित्रता साथीभाईको दीगो जीवन्त आयुको ॥

 

परोपकार उद्दार गर्नु  दुखी गरिवको ।

ब्यवस्था छैन जो जस्को गांस वास कपासको ॥

 

घृणा त्यो पाप हो भारी भेदभाव अपराध हो ।

भेदभाव घृणा त्यागी पुज्नु पवित्र कर्म यो ॥

 

सेवा चाकर त्यो गर्नु रोगी अशक्त वृद्धको ।

यही नै पुन्य कार्य हो यही महान धर्म हो ॥

 

आगामी दिनमा होस उन्नति प्रगति शुख ।

सुस्वास्थ्य दीर्घ आयू होस् सौभाग्य धन दौलत ॥

 

कार्य सम्पूर्ण सिद्ध होस् पूर्ण होस् मनकामना ।

शुभेच्छा यही नै मेरो यही नै शुभ कामना ॥

Comments

dilli poudel

rhidayasparsii kabita pls keep it up

सम्पर्क माध्यम

khasskhass@gmail.com
Share |