गीतः बीस वर्ष अघि……।
श्याम तमोट, (भोजपुर)
बीस बर्ष अघि गएको छोरो फर्केर आएन
घरको माया मार्यो कि उसले कि खर्च पाएन ।
आँखामा राखी तस्बीर उसको कुरेको धेरै भो
भाईले नाना बैनीले चाचा मागेको धेरै भो
दौतरीलाई आउँछ उ चांढै भन्दैछु ढाँटेर
खेलेको उसले चउरसँग सपनी साटेर ।
बीस बर्ष अघि गएको छोरो फर्केर आएन
घरको माया मार्यो कि उसले कि खर्च पाएन ।
कालको फेरो यो ज्यान मेरो जाईजाला एकदिन
न भाई बस्ला न बस्ली बैनी पर्खेर सदादिन
आँगनबाट 'ए आमा' भन्दा 'हई' कस्ले भन्ला र
सम्झेर गाँउ फर्केछ भने खोई कस्ले चिन्ला र ।
बीस बर्ष अघि गएको छोरो फर्केर आएन
घरको माया मार्यो कि उसले कि खर्च पाएन ।
Comments
ganesh Thapa magar
Ramro githru madhya arko ramro git.........
Kedar Gagan
Shyam Tamot ko yek arko damdar geet.
