हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

आखिर ! फूल फूल नै हुन्

विद्या सापकोटा, (हालः शंकरदेव कलेज काठमाण्डौं)



हर उषाको उदयसँगै
विउझिन्छ नविन आशा
तृप्तिको मुख खोलेर ॥
 
फट्कार्दै आँखा
फक्रन्छन् कोपिला
जगमगाउछन्  
खित्खिताउछन्  
फेरी लजाउदै निहुरिन्छन्
सौन्दर्यमा सुवास मिसाएर ॥
 
सँगै
मस्कन्छ रमाउछ  
अनि
राक्षसी आदत देखाउदै
झम्टन्छ त्यो भवरा
आफैलाई मालि भनाएर ॥
 
वडो मूर्ख भंवरा  
आडम्वर बोक्छ
आडम्वर खान्छ  
आडम्वर पिउँछ
आडम्बर जीउँछ
अन्त्यमा
आडम्वर मै मर्छ ॥
 
कहिले बुझ्ने हो यिनले  
ती फूल/ती कोपिला  
लपेटिन्छन् उसैमा  
भुलिदिन्छन् आफैंलाई  
फूल हुनुको कमजोरीले हैन  
हुदैं निथ्रुक्क
ओइलाइदिन्छन् लल्याकलुलुक
झर्नुको विवशताले हुदैंहैन   
……………………………।
ती त प्रेम गर्छन् 'प्रेमु'
के प्रेम गर्नु कमजोरी हो?
विश्वास/समर्पण कायरता हो ? 
अनि सृष्टि…………।
सृष्टि अपराध हो  ?
 
हो नै भने पनि 
मन्जुर छ अपराध
स-स्विकार बिल्ला
…………………॥
आखिर ! फूल फूल नै हुन्  
…………………।
चुडिँनु/टिपिनुको पीडाले  
ओईलाउँदैनन् कोपिला
झर्नुको वास्तविकताले  
गज्मजिदैनन् फूलहरु
हार्दिनन् आमा
विल्कूल कायर हुन्नन् धर्ती
बरु ……बरु……॥
हर चुम्बनको तृप्ततामा
एक ओइलाउनुको बदलामा
नारी हुनुको महानतामा
जन्माउछन् जन्माइरहन्छन्  
अरु अरु  
अरु धेरै सुकुमार फूलहरु  ॥ 
 


 

Comments

Shisir bhandari

Bidhya g,
bhabanatmak hajurko ao kabita malai sarahi manparyao
tara Bidhya g, vamara bhayana bhane pani ful ko k auchitya hoina ra ?

सम्पर्क माध्यम

khasskhass@gmail.com
Share |