हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

अक्षरको विरासत

साम्ब ढकाल, (५/५५ अब्बलडाँडा, रचनाकुटी, हेटौँडा)


अक्षरहरु हिँडिरहे 
                                                             

नपुगुन्जेल हिँडिरहे                                  

अक्षरहरु हिँडिरहे / हिँडिरहे ।                    

                                          

मान्छेहरुलाई भेट्न हिँडिरहे                      

मान्छे भेटुन्जेल हिँडिरहे                        

मान्छे फेला पार्न हिँडिरहे                        

मान्छे फेला नपारेसम्म हिँडिरहे

अक्षरहरु हिँडिरहे/हिँडिरहे ।

                                                                                                     

हिँड्नु नै ठूलो हो भनेर हिँडिरहे                    

फगत हिँड्नुलाई भन्दा हिँड्नु पर्छ भनेर हिँडिरहे       

अक्षरहरु हिँडिरहे/हिँडिरहे ।

 

मान्छेबाटै सिकेर हिँड्न थाल्यो उसले

हिँडेरै टाढा पुगेको देखेर

कतै पुग्न हिँडेको देखेर

अक्षरहरु हिँडिरहे /हिँडिरहे ।

 

कहीँ पुग्न त हिँड्नै पर्ने रहेछ

कतै नपुग्न पनि हिँड्नै पर्ने रहेछ

रोकिनुभन्दा हिँड्नु राम्रो जस्तो लागेर

अक्षरहरु हिँडिरहे/हिँडिरहे ।

 

अडिनुभन्दा हिँड्नु गजब रहेछ

अडिएर कतै पुगेको देखिएन

कतै पुगेर अडिएको पनि देखिएन

हिँडिरहँदा नै यी सबै हुँदोरहेछ

अक्षरहरु हिँडिरहेछ/ हिँडिरहेछ ।

 

हिँड्नुको विकल्प अब छँदैछैन

हो रहेछ हिँडिरहेर नै सबैथोक हुनेरहेछ

पुग्नु नपुग्नु मतलबै राखेनन्

नहिँडेरभन्दा हिँडेर नै कतै पुगिने रहेछ ।

 

हिँड्नु/हिँड्नु/हिँड्नु मात्र हिँड्नु भएको छ

अक्षरहरु हिँडिरहेछ हिँडिरहेछ ।

के मान्छेहरु यहाँसम्म आइपुगेको

हिँडिरहेर होइन ?



samba.dhakal@ntc.net.np

Comments

Bal dev

अन्तमा आएर सोच्न विवश बनाउँछ कविताले, मानव सभ्यताको यो बाटो खोतल्छ ! राम्रो कविता ! 

सम्पर्क माध्यम

khasskhass@gmail.com
Share |