हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

नखोलीदेउ त्यो घुम्टो तिम्रो

बिनोद खड्का, (दोहा कतार)


नखोलि देउ त्यो घुम्टो तिम्रो आँशु यो बर्षिन्छ
पराई हात सिउँदोमा तिम्रो मन मेरो कुँढिन्छ ।

अल्लारे उमेर साथमा तिमी कसरी बिर्सनु ?
हाट र मेला चुल्बुले साथ कसरी सम्झनु ।
देउराली पाखो त्यो चौतारी सम्झना आउँदा
रोउँला सायद सम्झनाभरी तिमी नै छाउँदा ।

बिलाई गए कसम हाम्रा कता पो हराए
मनका कुरा मनमा नै रहै त्यसै ती बिलाए ।
कसरी हिड्नु ती वनपाखा तिम्रै याद आउँदा
कसरी थाम्नु मन यो मेरो तिमि नै छाउँदा ।

नखोलीदेउ त्यो घुम्टो तिम्रो आँशु यो बर्षिन्छ
पराई हात सिउँदोमा तिम्रो मन मेरो कुँढिन्छ ।

दिईथ्यौ हात सकिन थाम्न खोई के ले लघार्यो
सकिन मैले तिमीलाई पाउन भाग्य ले पछार्यौ ।
सूखी नै रहु म रोए पनि यही छ कामना
निष्ठूरी होईन नबिर्स मलाई राख है सम्झना ।

नखोलीदेउ त्यो घुम्टो तिम्रो आँशु यो बर्षिन्छ
पराई हात सिउँदोमा तिम्रो मन मेरो कुँढिन्छ ।

 

९ डिसेम्बर २००९, बुधवार

Comments

सम्पर्क माध्यम

khasskhass@gmail.com
Share |