हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

कसरी खायो आगोले हेर कमलको शरीर

आचार्य प्रभा, (कोलोराडो)


(शोक बिव्हल कबिता) 
 
 किन खायो आगोको लप्काले
 त्यो नीरिह सुन्दर,स्वच्छ परीलाई ?
 किन डाहा गर्‍यो अदृश्य शक्तिले
 मनमा नै उडिरहने त्यो निश्छल चरीलाई ?

 छातीभरी हरियाली चिया सजाइ
 माइबेनीलाई शीरमा सलल बगाइ
 पूर्वमा हरियाली बोकेर उभियौ
 "पहाडकी रानी"को उपमा सजायौ
 कुन दैव लाग्यो हरे तिमीलाई ?

 क्षणभर मै बनायो अस्तित्वहिन तिमीलाई
 सबैकी सपनाकी रानी थियौ तिमी
 तर आज बन्यौ खरानी तिमी ।
 उफ! सक्दिन सहन म तिम्रो ब्यथा
 कसरी लेखुँ अब म तिम्रो बिह्वल कथा ?

 शीरमा चाँप,गुराँस सजाइ
 पर्यटकलाई मुग्ध बनाउथ्यौ
 मधेशका तृषित काकाकुललाई
 झरनाको चिसो पानी पिलाउँथ्यौ
 कसरी रापमा छट्पटियौ हौली
 "ईलाम"को अस्तित्व अब कहाँ भेटौली ?

 रोइ रोइ छाती पिटिरहेछन हेर
 तिम्रै काखका सारा सन्तती
 तर नगर चिन्ता आशुमा डुबी
 फेर्नेछन सन्तानले तिम्रो नयाँ जूनी
 किन क्रुर बन्यो त्यो निर्दयी अग्नी ?
 सोध्न मन लाग्यो तिम्रो दोष
 के छ भनि ?
 बिवश बन्यौ की बाध्यतामा फस्यौ
 त्यो सुन्दर रूपमा किन खरानी घस्यौ ?

 भो अब बिव्हल नबन तिमी
 तिमीलाई सिंगार्छौ अब फेरि हामी
 रूप त जलेर केही हुन्न खासै
 मन जलाइ नमार आशै
 बौरिनु पर्छ फेरी तिमीले
 लिनु पर्छ पुनर्जन्म अनी तिमीले
 बिर्सिनु आगोको त्यो क्रुर लप्कालाई
 अब फेरि सम्हाल्नु पर्छ तिमीले
 लाजको सप्कालाई ।
 नसम्झ खाग भै बिलाए भनि
 नडराउ शत्रुले जलाए भनि ।

 (आगोको लप्कामा फसेकी "पहाडकी रानी" ईलामको सम्झनमा शोक बिव्हल कबिता रचना २ /१६ /१० )

Comments

शर्मिला खड्का (दाहाल)

सारै सुन्दर, यति चाडै यति राम्रो कविता लेख्न सक्नु, कविको प्रतिभाको कदर गर्नु पर्छ ।<br />

सम्पर्क माध्यम

khasskhass@gmail.com
Share |