हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

कौतूहलता सडकभरि पोखिन्छ.....

लारा, (हङकङ)

संघाई स्ट्रिटको त्यो घुम्ति-
मधुरो ल्याम्पपोष्टको आडमा उभिएका
'सी' ग्रेड मुवीको भद्धा पोष्टरजस्तै
ती राता बत्तीहरु ।


हरेक साँझ घर फर्कंदा
टक्क रोकिन्छन् पाईलाहरु
नजानिँदो कौतूहलता !
किन वैँशहरु यसरी सडकभरि
छताछुल्ल पोखिन्छन् ?
वास्तवमा
कच्याक्कुचुक्क परेका विछ्यौनामा
लमतन्न उत्तानो पल्टिदिनु र
भावनामा विनिमय हुनुको के अर्थ हुन्छ ?


ल्याम्पपोष्टजस्तै
मधुरो अनुहार लिएर
जतिसुकै मस्किन खोजे पनि
ती राताबत्तीहरु
सोच्दछु
हृदयभरि उमंग
गालाभरि लाली सोहोरेर
मेला-बेंशी र दौंतरीहरुसँग
ठाँटिन उनीहरुलाई पनि
के मन नपरेको होला त ?
तर
सपनाको बजारमा
वैँशको च्याँखे
हरेक विहानी उम्रन्छ सपना
साँझ नपर्दै फक्रन्छ बैंश
छरपस्ट हुन्छ रातभर ॥


संघाई स्ट्रिटको त्यो घुम्ति-
फुत्त निस्कन्छन्
थाकेको आङ तन्काउँदै
समाजका भद्रपुरुषहरु
हरेक साँझ घर फर्कंदा
कौतुहलता !
एक निमेष होईन युगौंको
महोदय ! तर
उनीहरु मात्रै किन 'वेश्या' कहलिन्छन् ?
कौतूहलता सडकभरि पोखिन्छ …




 

Comments

सम्पर्क माध्यम

khasskhass@gmail.com
Share |