गजल
विजय कोइराला (अदिन), (झापा)
विदेशीको झण्डा ओढी नेपाली हूँ भन्छौ?
आफ्नै दाइको टाउको फोडी नेपाली हूँ भन्छौ?
मेची खाए, टिष्टा खाए, खाए कालापानी।
पराइको फूल गोडी नेपाली हूँ भन्छौ?
बोल्छौ देशको अहितमा जन्म त्यही नै हो।
देशीमन अन्तै मोडी नेपाली हूँ भन्छौ?
तिर्छौ कहिले दूधको भाडा तिमीले पिएको।
भाइभाइको नाता तोडी नेपाली हूँ भन्छौ?
साथ दिन सक्दैनौ त बन्द गर बोली।
राष्ट्रप्रेम सबै छोडी नेपाली हूँ भन्छौ?