हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

हिउँ र तिमी

दिनेश अधिकारी, (काठमाडौं)



न्यानो लाग्ने गरी

चिसो हिउँ परिरहेको छ

, म तिमीलाई

हाम्रा भेटका प्रारम्भिक दिनहरुमा सम्झिरहेछु

त्यसबेला

तिमी असाध्यै नरम र न्यानी थियौं !

 

कपास जस्ता हिउँका कोमल फूलहरु

समय वित्दै जाँदा

कठोर चट्टानमा परिणत भएछन्

अहिले म

त्यही हिउँ-चट्टानमा उभिन आइपुगेको छु

जुत्ताको तलुवा छेडेर

खुट्टाको बाटो हुँदै

चिसो सरिरभरि फिजिएको छ

प्रत्येक पल्ट पाइला टेक्ता चिप्लिने डरले

मस्तिष्क एक किसिमले काँपिरहेको छ

हाम्रो वर्तमानमा

एक पटक फेरी

म तिमीलाई सम्झिरहेको छु

अहिले तिमी

हिउँ-चट्टान भन्दा पनि कठोर लागिरहेको छ्यौ !

 

हामी खेल्ने ठाउँको मौसमी हिउँ न हो यो

हिउँको कठोरता पनि

कहाँ धेरै दिन टिक्दो रहेछ र ?

अलि पर

तलतिर

विस्तारै विस्तारै

पग्लँदै

पानी भएर हिउँ बग्दै गरेको देखिरहेछु

, मनमनै कामना गरिरहेछु-

हिउँको यो स्वभाव

चाँडै तिमीमा पनि सल्कियोस्

विश्वास छ,

हाम्रो आगामी भेट अगावै

हिउँ-चट्टानबाट

तिमी कलकलमा परिणत भइसकेकी हुनेछ्यौ !

 

न्यानो लाग्ने गरी

चिसो हिउँ परिरहेछ

, म तिमीलाई

हाम्रा भेटका प्रारम्भिक दिनहरुमा सम्झिरहेछु

त्यसवेला

तिमी असाध्यै नरम र न्यानी थियौं !

              

 

पो.ब.नं. ९४४३

Comments

Anagat

Very nicely expressed. Seems to be a real story blended in art. Thanks a lot...... cooled me in my loneliness..

सम्पर्क माध्यम

khasskhass@gmail.com
Share |