हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

अस्तित्वको लडाईमा

सुषमा मानन्धर, (ललितपुर)

 
 
 त्यसो त
 मानवता भन्ने पनि
 केही कुरा हुँदो हो ।
 मान्छेले मान्छे नचिन्ने
 कलि लागेको समयमा
 मैले त्यही हराएको
 मानवता खोजी बस्नु
 तिमी आफै मुख्र्याई भन्न सक्छौ ।
 मलाई टेकेर अड्नु छ
 अड्नु मात्र हैन बढ्नु पनि छ ।
 त्यही धर्तीको टुक्रामा
 तिमीले पनि टेकेका छौ ।
 एउटै परिवेशभित्र हामी दुवैलाई
 आ-आफ्नो संसार सानो लागेको छ ।
 निस्सासिएको
 या अरुको अस्तित्वमाथि छड्के नजर
 बढ्न हामी दुवैलाई
 एकअर्कामाथि नटेकी सुखै छैन ।
 या तिमीले कुल्चाई सहनु पर्छ
 या मैले सपनाहरुको तिलान्जली दिनुपर्यो ।
 तिम्रो अस्तित्वमाथि टेक्दा
 मलाई पनि दुख्छ
 त्यो दुखाई सम्झेर
 यदि मैले तिमीलाइ टेक्न छोडें भने पनि 
 तिमीले त्यो मानवता जिउँदो राख्छौ
 कसले भन्न सकछ !
 अगाडि बढ्ने होडमा जोगिँदै कुल्चिँदै
 अस्तित्व र मानवता एकअर्कामाथि
 धरापमा परिरहेछ ।
 मान्यताकै नाममा म चुक्न सक्दिन
 कायरले जस्तै झुक्न पनि सक्दिन ।
 के लाग्छ र संसारको यही नियति
 एउटाले बाँच्न अर्को मर्नुपर्छ ।
 अस्तित्वको लडाईमाअस्तित्व जोगाउन नै
 मैले तिम्रो अस्तित्व मेटिरहेछु ।
 मानवता विरुध्द यो अपराध हो भने
 मेरो कर्ममा मैले माफी पाउँछु हैन र !

Comments

सम्पर्क माध्यम

khasskhass@gmail.com
Share |