हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

कस्लाई हेरी लजाएको ?

नारायण अधिकारी, (ऊडब्रिज, भर्जिनिया)

नौलो देश नौलो भेष फरक रहेछन् मनहरु ।
चन्दन हुने, फूल फुल्ने थोरै हुन्छन् बनहरु ।।
पलासको फूलमा किन पाइदैन गन्ध ?
कस्लाई हेरी लजाएको हाँसी मन्द मन्द ?

खोला नाला तिम्लाई हेरी सुसाउछन् किन ? 
चन्द्रमा नि तिम्लाई देखी लजाउछ किन ?
तिमी आउँदा मनभित्र युद्द जस्तो द्वन्द्व ।
कस्लाई हेरी लजाएको हाँसी मन्द मन्द ?

कोपिला नि तिमी देखी टक्क अडिन्छ ।
छ्ड्के नजर शुल तिम्रो मुटु गडिन्छ ।।
प्रतिबिम्ब आफ्नैअघि देख्छु खण्ड खण्ड ।  
कस्लाई हेरी लजाएको हाँसी मन्द मन्द ?

रातमा तिमी जुन बन दिनमा बन घाम ।
पुजुन् तिम्लाई प्रकृतिले साँझ बिहान ।। 
खोजे जस्तै कस्तुरीले आफ्नै सुगन्ध ।
कस्लाई हेरी लजाएको हाँसी मन्द मन्द ?

Comments

सम्पर्क माध्यम

khasskhass@gmail.com
Share |