हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

सडक बालक

लालीगुराँश, (काठमाण्डौँ)

हेर गरिब बालक
सुतेको छ सडकमा
नाङ्गो र भोको बिचरा
लाचार छ गरिबीमा । १

न त लुगा आङ्गभरी
न त चारो पेटभरी
जिउँदो लास झैं गरी
बाँचेको छ मरी मरी । २

बाबा आमा कोही छैनन्
जाने ठाउँ काहीँ छैन
ऊ पनि त मान्छे नै हो
आत्मा त मरेको छैन । ३

फोहर भित्र पसेर
खाने कुरा खोज्दछ ऊ
फ्याकिएको खाना भेट्दा
खुशीले दङ्ग पदर्छ ऊ । ४

उषा सँगै बिउँझन्छ
सन्ध्या सँगै निदाउँछ
गल्लीका कुकुरलाई
आफ्ना साथी बनाउँछ । ५

बातमार्ने साथी छैनन्
बिर्सिएछ बोल्न पनि
नौलो मान्छे देख्दा खेरी
भगाउँछ भुकभुक गरी । ६

Comments

सम्पर्क माध्यम

khasskhass@gmail.com
Share |