यो बैनीको माया
मंजु निरोला, (मेरिल्याण्ड, यू.एस.ए.)
अम्बर, अबनी, चारैतिरको दिशामा
बैनीको सुकोमल, चोखो, गहीरो मायाँ
गुनकेशरी, सुनकेशरी, मखमली जताततै
यो बैनीको अगाध स्नेह र सम्झना
मखमली फुलले उनिएको मालामा
सुवास छैन तर बैनीको औधि मायाँ
सयपत्री, लालुपाते अनि शीतको थोपामा
दुबो झैं पवित्र बैनीको सुकोमल मायाँ
भैली, देउसी, मारुनीको नाचमा
छ परदेशी बैनीको प्रखर छायाँ
यम र यमिकाको भूमिका निभाउने
आशीर्वादमा झुक्ने बहिनीको काया
हिमालपारी देउराली चौतारीको गाउँमा
बैनीको माइती कति झिलिमिली होला
कमेरो, रातो माटोले पोतेको माइतीको आँगन
दाजै र भाइको मायाँले लतक्कै भिझेको होला
मन मेरो रुन्छ, तन मेरो पुग्छ माइती मझेरीमा
कति नै बिर्सु भन्छु देउराली मन मेरो मान्दैन
बाबा र आमाको काखबाट भागेर आएँ पराइ भएर
दाजु, दिदी, भाइको बाल्यपन ताजै छ मनभरि
मखमली फुलले सजाऊं यो बैनीको तिहार
हिमाली छायाँ यो मेरो मायाँ तिम्रै हो उपहार
चाहिंदैन यो बैनीलाई कुनै लोभलाग्दो उपहार
आशीर्वाद, सम्झना मात्रै गरे यो मन प्रफुल्ल
तीज, दशैं, तिहार आयो कि माइतीको सम्झना
जति नै रमाए पनि पतिको घरमा यो मन माइतिकै माझमा
आशीर्वाद लेउ आज परदेशी बैनीको
दीर्घायु होउ तिमी यही आशीष बैनीको
दीयो बत्तीले झिलिमिली होस् तिम्रो आँगन
अटल रहोस बैनीको मायाँ यही छ शुभकामना
Comments
aasik
hi this is a very good.
