हालसालैका लेखहरु : उड्ने रहर छ,(उमा शर्मा ) तब पो दशैं आउँथ्यो,(गोतामे साँहिलो) नाप्नै सकिएन ,(रजनी श्रेष्ठ) धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं )

सून्दर फुलबारी

बिनोद खड्का, (हाल - दोहा कतार)

झरनाको मीठो पानी 
गाँउ बेसीका गीत 
कोईलीका कोकिल कण्ठ 
गाईने दाईको मीत 
भुलिएछ सबै कता 
छोडिएछ कहाँ कहाँ 
एकान्त र एक्लो जीवन 
घिस्रिएछ यहाँ त्यहाँ । 
 
लुकामारी खेल्ने पाखा 
कुहु कुहु कोईली अहा 
तरेली ती खेत लहर 
परालका कुन्हयु कहा
भुलिएछ सबै कता 
छोडिएछ कहाँ कहाँ 
एकान्त र एक्लो जीवन 
घिस्रिएछ यहाँ त्यहाँ । 
  
साँझपख आँगनीमा 
जुनसंग नाच्दै गाँउदै 
साथीसंगी कस्ता प्यारा 
सम्झनामा साँच्दै साँच्दै 
कहिले उमेर फड्को मार्यो 
कहाँबाट कहाँ लग्यो 
आफ्नै जीवन अनौठो भो 
सम्झना नै प्यारो भयो । 

पीढी र फलैचामा  
एउटा युग हाँस्ने गथ्र्यो 
प्रेम र सदभावले 
एकताको माला गाँसथ्यो 
कुन बैरीले पासो हाल्यो 
आफ्नै गाँउमा बारुद पड्क्यो 
को आफ्नो को पराई 
बन्दुकले कस्लाई मानथ्यो । 
 
काम गरी खाने दिन 
सबै भाँडिदै गयो 
बन्दुकले राज गर्यो 
आफ्नै देश गाँउ टाढा भयो 
परदेश भो कर्मथलो 
देश बन्यो माईती 
सम्झेर रोई बस्नु 
त्यही बन्यो जाती । 

विजय र घमण्डले 
समाज धमिल्याए यस्तो 
 जित्ने को हो हार्ने को हो 
अन्योल छाए जस्तो 
जस्तो आँखा उस्तै हेराई 
कसले होईन भन्छ 
दिलले खोजे सबै पाईन्छ 
शान्ति कता भाग्छ । 
 
वैरी खोज्न टाढा किन 
आफ्नै छेउमा आए 
अज्ञानले घडा भर्यो 
आफनै आफ्ना मर्यो 
एउटा हाँस्दै खाँदै जाने 
अर्को डाहा गर्ने  
संस्कृती नै फेरियो कि
आँखा टेढो पार्ने ।  
 
 सुदिन आउने आशामा 
बर्षौ बर्ष गयो 
शान्ति छाउने बहानामा 
अशान्ति नै मौलायो 
सपनामै खोज्ने हो कि 
एउटा सून्दर संसार 
एकान्त र एक्लो जीवन 
कहिले हुनथ्यो बहार । 

वैरी द्धष्टी उडी भागोस 
गाँउ घर यो समाजमा 
एकताको पालुवा चढोस 
यो सून्दर फुलबारीमा 
सबैलाई आफ्नै देख्ने  
सुदिन फिरी आवोस 
दया, धर्म, करुणाले 
वास फेरी पावोस । 
 
२९ मे २००९ शुक्रवार 
 

khadkabinod02@yahoo.co

Comments

सम्पर्क माध्यम

khasskhass@gmail.com
Share |