हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

एकादेश

सुषमा मानन्घर, (ललितपुर)

ढाकिएको कालो आकाश
गजिर्दै मेघ
चिसो हावाको घचेटाईमा
टालिँदै फाट्दै गरेका बादल
एकनासे झरी
अनि रुझेर
निथ्रुक्क हिलाम्मे खेतहरु ।
सुनसान गाउँको गोरेटो
भिजेको बैंसको रुखमुनि
पानी छेक्दै
एकैछिन म ।

अगाडी झयालमा
आधा भित्र आधा बाहिर
उभिएका तिमी
पानीका छिटा
तिम्रा केशहरु भिजाउँदै
मेरो अन्तर मनमाथि
तपतप ।

नबोली बोल्ने
तिम्रो हेराई
सम्मोहनमा बाँधिएर
गाला भै बग्ने
पानीका ससाना धारहरुसँग
म बगिरहें
तिमी बगिरह्यौ ।

धेरै लामो बगें
बग्दै समयसँग सम्झन्छु
आँखामा टाँसेको
एक टुक्रा झझल्को
सानोमा मैले सुनेको
दन्त्यकथाको
मात्र कतै कुनै
एकादेश त थिएन
 

Comments

सम्पर्क माध्यम

khasskhass@gmail.com
Share |